Click on a word to bring up parses, dictionary entries, and frequency statistics
[28]
etsi qui1
potest intellegi aut cogitari esse aliquod animal, quod
se oderit? res enim concurrent2 contrariae. nam cum
appetitus ille animi aliquid ad se trahere coeperit consulto, quod sibi obsit, quia sit sibi inimicus, cum id
sua causa faciet, et oderit se et simul diliget, quod
fieri non potest. necesseque est,3 si quis sibi ipsi4 inimicus est, eum quae bona sunt mala putare, bona contra quae mala, et quae appetenda fugere,5 quae fugienda appetere,6 quae sine dubio vitae est7 eversio.
neque enim, si non nulli reperiuntur, qui aut laqueos
aut alia exitia quaerant aut ut8 ille apud Terentium,9
qui 'decrevit tantisper10 se minus11 iniuriae suo nato
facere', ut ait ipse, 'dum fiat miser', inimicus ipse sibi
putandus est.
1 qui edd. quid
2 occurrent R
3 necesseque est BE necesse ēq; (= estque) R necesse est eque N1V necesse est quidem N2
4 ipsi sibi BE
5 fugere et que BEV
6 appetere dett. petere
7 est Mdv. sunt
8 aut ut Mdv.
9 Terentium Heautontim. I 1, 95 (147): Decrevi tantisper me minus iniuriae, Chremes, meo gnato facere, dum fiam miser.
10 tantisper dett. tantum per (tantum s per N2）
11 est usus BE
M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.